गोंदिया, २ मे २०२५: भारताचे यशस्वी पंतप्रधान नरेंद्र मोदी यांनी जाती निहाय जनगणना करण्याचा महत्त्वपूर्ण ठराव केंद्रीय मंत्रिमंडळासमोर मंजूर केला आहे. या निर्णयाचे स्वागत करत गोंदिया जिल्ह्यातील कुडवा नाका आणि फुलचूर येथे भारतीय जनता पक्षाच्या (भाजपा) वतीने आज, २ मे २०२५ रोजी दुपारी १२:३० ते १:०० वाजेदरम्यान उत्साहपूर्ण जल्लोष साजरा करण्यात आला.
अनेक वर्षांपासून प्रलंबित असलेल्या जाती निहाय जनगणनेच्या मंजुरीमुळे देशातील दलित, पीडित, आदिवासी आणि इतर मागासवर्गीय समुदायांना मोठा लाभ होणार आहे. या जनगणनेच्या माध्यमातून सामाजिक न्याय आणि समानतेच्या दिशेने एक महत्त्वाचे पाऊल उचलले जाणार आहे. खुडवा ग्रामीण मंडळ आणि फुलचूर येथील भाजपा कार्यकर्त्यांनी या निर्णयाचे स्वागत करत उत्साहात जल्लोष साजरा केला.
भाजपाच्या स्थानिक नेत्यांनी या निर्णयाचे कौतुक करत पंतप्रधान नरेंद्र मोदी यांचे आभार मानले. “हा निर्णय देशातील सामाजिकदृष्ट्या मागासलेल्या समाजाला मुख्य प्रवाहात आणण्यासाठी मोलाचा ठरेल,” असे एका कार्यकर्त्याने सांगितले.
या जल्लोष कार्यक्रमात भाजपा कार्यकर्त्यांनी एकत्र येऊन आनंद व्यक्त केला आणि सामाजिक समावेशकतेसाठी सरकारच्या या पावलाचे स्वागत केले.